KVIN JAROJ

Hodiaŭ venas al vi la VERDA VOĈO en nova vesto. Kvankam ĝi aspektas nova, tamen ĝi restas via malnova amiko. Kvin jarojn jam ekzistas SOMERA KOLEGIO DE ESPERANTO en Doksy, do, la jubilea jaro de nia laboro. VERDA VOĈO estas pli juna ol SKED, ĉar ĝi komencis aperi post unu jaro de la fondo de SKED. Kaj ĝi faris bonan laboron, estante „ligilo“ inter gelernintoj. „Ĉiun tagon io nova komencas“, diras en sia poemo nia poeto Jaroslav Seifert. Jes, ĉiun tagon io nova komencas, ĉar la vivo estas movo kaj progreso. Esperantistoj estas homoj, kiuj ŝatas vivon, batalas por la paco kaj restas ĉiam progresemaj. A.S.

V í t á m e v á s  v š e c h n y d o k u r s ů L E T N Í K O L E J E E S P E R A N T A a z v l á š t ě   v í t á m e z a č á t e č n í k y, k t e ř í v s t u p u j í t í m t o k u r s e m d o ř a d e s p e r a n t i s t ů

Verda Voĉo de Doksy, 1950-03-01